THE LASSIES ON THE BRAES – Poem by Robert D McLean:

THE LASSIES ON THE BRAES
It seems it was like yesterday when young an fu’ o’ chat,
Wi’ wur fifty shullin’ Burton suit an wur doon the river hat,
An’ man we felt quite swanky, wi’ wur new weil fashioned claes,
Then we fairly went oor dinger, chasm’ lassies on the braes.

Noo Sunday wis the special day, the beginnin’ o’ the Spring,
When the sap had sterted risin’ an’ the burd wis on the wing,
The country side wis bloomin’, nature’s colours were ablaze,
It wis then we chased the lassies on the auld Gleniffer Braes.

An’ the lassies they wur smashers, every wan o’ them sae nate,
No’ like the lassies no-a-days, that’s dressed like a plumber’s mate.
But swathed in a’ the fashion, an’ their sweet an’ comely ways,
Man, it wis real magic, chasm’ lassies on the braes.

“Hey lassies, here’s some fellas!” some lad wid loodly cry,
“An’ fellas, here’s some lassies!” wis the laughlingly reply,
An’ then there wis some gigglin’ an’ then the lads wid stert tae chase,
0’ it was real wonderful, chasm’ lassies on the braes.

Wan night Ah clicked a smasher an’ Ah walked her tae her street,
Jove she really was a beauty, an’ ever o’ so sweet,
An’ in the close Ah kissed her an’ walked hame in a daze,
Man it really wis wonderful, chasm’ lassies on the braes.

An’ mony a canty laddie, on the braes he met his fate,
An’ walked through lie thegither wi’ his true an’ loyal mate,
An’ whilst they wid get thinkin’ o’ the guid auld happy days
When the laddies chased the lassies on the auld Gleniffer braes.